O PROXECTO
Non fai moito ruído, pero sempre está presente en todos os fogares do país. É raro que a empanada acapare o foco de atención, malia ser un piar da gastronomía galega. De aí o noso obxectivo de reivindicala como un dos pratos máis importantes da nosa cultura, historia e tradición. Un prato de múltiples formas, tamaños, recheos e masas que sacia por igual a todas as xentes que se reúnen en torno a el.
UN MANXAR MILENARIO
Ben é sabido que non hai unha data concreta sobre a que fixar o nacemento da empanada galega. Iso si, os nosos devanceiros xa traballaban coa fariña de trigo desde a Idade Antiga, cando celtas e romanos se desputaron a soberanía sobre Gallaecia. Séculos máis tarde, déronse de conta de que transportar as carnes e viandas en recipientes de cerámica podía resultar complexo durante as longas viaxes.
Foi entón cando o enxeño se uniu coa gula para dar coa solución a este problema loxístico: encofrar os alimentos entre dous pans. Así naceu a empanada medieval galega, cuxa evolución chega ata os nosos días tal e como se amosa na seguinte liña de tempo interactiva.
NA VARIEDADE RESIDE O GUSTO
mosaico de recheos
É moi difícil imaxinar un prototipo de empanada galega, xa que cada poucos quilómetros as receitas poden variar o recheo, o produto e a masa.
Porén, é certo que hai determinadas variedades de empanadas que se poden relacionar cunha área xeográfica concreta.
O SABOR DO MAR NUN PETISCO
Rianxo é terra de mariñeiros, pero tamén de empanadas. Os produtos do mar que atracan nesta vila do Barbanza son aproveitados polos negocios locais, como é o caso d’ A Pireta, unha panadería familiar en activo desde o ano 1938.
Aquí, Belén Franco prepara unha variedade de empanada moi típica na contorna das Rías de Arousa e Noia: feita con fariña milla e cun recheo de cebola rustrida e berberechos… con cuncha!
DE BOCA A BOCA
Detrás de cada empanada hai unha historia familiar agochada entre fariña e compango. Un legado culinario transmitido de xeración en xeración a través da voz dos nosos, que comparten toda súa sabedoría tras os fogóns. É por iso que xorde estes receitario para conservar un anaco da gastronomía galega e estendelo a toda a comunidade de fans da empanada.
Ingredientes para a masa: 0,5 kg de fariña de trigo, un chisco de sal, un ovo, 1/2 vaso de aceite de xirasol, 1/2 vaso de auga e 1/2 vaso de viño branco. Para o recheo: A carne que sobre logo de comer un cocido (tenreira, xamón, chouriza, chourizo ceboleiro e touciño) e un chisco de azafrán
Receita caseira de empanada de raxo, champiñóns e pementos.
Igredientes: 0,5 kg de raxo, 0,5kg de champiñóns, 1 pemento vermello, dentes de allo ao gusto, sal, pementón, 0,5 kg de fariña de trigo, 1 vaso de aceite escoado da zaragallada.
Ingredientes para a zaragallada: 1,5 kg de polbo 1,5/2kg kg de cebola, 1 taza grande de aceite de oliva, pementón doce e picante (a gusto), sal
Para a masa: 1kg de fariña, 1 taza de auga, Sal, 1 taza do aceite escoado da zaragallada
Convidámoste a formar parte do noso audio-receitario!
Á VANGARDA DA TRADICIÓN
En Pan da Moa respírase frescura e innovación cada vez que preparan as súas barras de pan, minipizzas e, por suposto, as súas empanadas.
Guille Moscoso e o seu equipo coidan cada detalle na elaboración dos produtos, respectando a herdanza da cociña tradicional galega e combinándoa con novas formas de produción.
De feito, foron unha das primeiras panaderías en traballar con masa nai en todo Santiago de Compostela, onde son ben coñecidos polo seu labor.